قصة متطوع من فريق بادر وكل الفرق يكون هذا شخص تارك بصمتة
تعالو نسمع قصته ونتعرف علية ......
من اول ايام عمري ومع بداية عرفت بنفسي اني مااكدر اسمع، اهلي من البداية بدأوا يراجعون بيه عند
الطبيب حتى يعرفون السبب، الطبيب قال الهم "الطفل يشكو من ضعف السمع بسبب زيادة حرارة متعرضلهه" وبدأ يضعف سمعي اكثر واكثر كلما كبرت لحد ما وصلت لدرجة فقدت السمع تماما واختفت كل الاصوات داير مدايري.
حالتي ما خلتني استسلم .. بدأت اتعلم سباحة من عمر صغير والدي علمني السباحة واني عمري اربع سنوات، استمريت بهذه الرياضة، بعدها دخلت المدرسة وحاولت ان اجد نفسي وحياتي الطبيعية حالي حال باقي الناس، بقيت ابحث عن القوة ومااحس بنفسي نقص وما يئست ابدا .
من كبرت اكثر دخلت بمنظمات انسانية لان حبيت اساعد الناس كلهم لا على التعيين، شاركت ببطولات سباحة وصرت بطل عراقي شاركت ببطولات عربية وعالمية كثيرة في السباحة واخذت القاب
ضعف السمع ومعاناتي بهالجانب ما ضعفني ابد بقيت مستمر بعمل الخير وماتوقفت، امنيتي ان اصبح عنصر مثمر في هذا العالم وان اعطي كل جيد عندي
رغم كل ذلك امنيتي ان اكون مصور فوتغرافي حربي محترف ورسام واتمنى ان اجد المساعدة من الاخرين لتحقيق احلامي ، اتمنى ان اكمل دراستي حتى اجد نفسي ذات قيمة لكن لا استطيع بدون تحقيق اهدافي واحلامي واهمها العمل حتى اعتمد على نفسي والدراسة .
احب اگول اتحدى نفسك ولا تخلي اي شي يوگف بطريقك وحقق احلامك اذا تكدر وساعد الناس لان كلنا محتاجين بعض.
محمد وصفي
الابتساماتاخفاء